💥 गोंडपिपरी तालुक्यातील भंगाराम (तळोधी) येथे नात्यातील साल्याच्या पत्नीवर विनयभंग करून तिच्याशी जबरदस्ती करण्याचा प्रयत्न. 🔰गोंडपिपरी भाजपचे तालुका महामंत्री,भानेश येगेवार यांच्या विरुद्ध गोंडपिपरी पोलिसांनी केला गुन्हा दाखल. 📍गावातल्या प्रतिष्ठित आणि राजकीय दबावाने हे प्रकरण दाबण्याचा प्रयत्न केला होता.

💥 गोंडपिपरी तालुक्यातील भंगाराम (तळोधी) येथे नात्यातील साल्याच्या पत्नीवर विनयभंग करून तिच्याशी जबरदस्ती करण्याचा प्रयत्न.

🔰गोंडपिपरी भाजपचे तालुका महामंत्री,भानेश येगेवार यांच्या विरुद्ध गोंडपिपरी पोलिसांनी केला गुन्हा दाखल.

📍गावातल्या प्रतिष्ठित आणि राजकीय दबावाने हे प्रकरण दाबण्याचा प्रयत्न केला होता.

सुकदर्शन वृतांत

गोंडपिपरी : (दिनांक,29/06/2026) गोंडपिपरी तालुक्यातील एका गावात विवाहित महिलेचा विनयभंग करून तिच्याशी जबरदस्ती करण्याचा प्रयत्न केल्याप्रकरणी भानेश पोचू येगेवार यांच्याविरुद्ध गोंडपिपरी पोलिसांनी गुन्हा दाखल केला आहे.या घटनेमुळे तालुक्यात खळबळ उडाली आहे. भानेश येगेवार हे भाजपचे तालुका महामंत्री असल्याची माहिती आहे.

या पाच ते सहा दिवसाअगोदर पीडित महिलेने हिंमत दाखवून गावातील काही प्रतिष्ठित व्यक्तींना व नातेवाईक यांना सोबत घेतले आणि न्याय मिळवण्यासाठी ती थेट पोलीस स्टेशन गाठली.पोलीस ठाण्यात तक्रार देण्यासाठी पीडित महिला आणि गावकरी गेले.खरे त्यानंतर नक्की काय शिजले ? कोणती गुप्त बैठक झाली ? की काय घडले,ज्यामुळे तक्रार न करताच ते लोक वापस गेले,हा सर्वात मोठा प्रश्न निर्माण झाला होता.

​जनतेचा थेट सवाल उठवला जर इतका मोठा गुन्हा घडला होता,तर गावातल्या कोणत्या ” प्रतिष्ठित ” आणि राजकीय दबावाने हे प्रकरण दाबण्याचा प्रयत्न का केला होता ? नातेसंबंधांची दुहाई देऊन की पैशांच्या आणि सत्तेच्या बळावर पीडितेचे तोंड बंद करण्यात आले ?

​एकीकडे महिला सुरक्षेच्या मोठ्या गप्पा मारल्या जातात,तर दुसरीकडे पोलीस ठाण्याच्या उंबरठ्यावरून तक्रारदार वापस जात असताना प्रशासन मूग गिळून का बसले का होते ? या प्रकरणात कायद्याचा धाक उरला आहे की नाहीअशी चर्चा संपूर्ण तालुक्यात रंगत होती.गावातल्या काही बड्या धेंडांनी राजकीय दबाव आणून आणि नातेसंबंधातील मध्यस्थांनी मिळून हे प्रकरण पोलीस स्टेशनमध्येच दाबल्या गेले होते.

शेवटी 27 जुन ला पीडित महिला हिंमत दाखवत पोलीस स्टेशनं गाठून तक्रार केली.

भानेश येगेवार यांना शेतात पेरणी करायची होती. त्यासाठी बियाणे आणण्यासाठी ते एका घरी गेले होते. यावेळी पीडिता घरात एकटीच असल्याचे त्यांच्या नजरेस पडले. ही संधी साधून, तुला वर्षभरापासून मूलबाळ होत नाही, मी तुला मूलबाळ करून देतो, असे म्हणत खाटेवर पाहून अश्लील शारीरिक स्पर्श करून जबरदस्ती करण्याचा प्रयत्न केला.

पीडिताने आरडाओरड केल्यानंतर तिला कुणाला काही सांगितल्यास बदनामी करण्याची धमकी देत तो घटनास्थळावरुन पळून गेला, अशी तक्रार पीडिताने २७ जून रोज शनिवारला गोंडपिपरी पोलीस ठाण्यात दिली.

यावरून गोंडपिपरीचे पोलिस निरीक्षक रमेश हत्तीगोटे यांच्या मार्गदर्शनाखाली बीएनएस २०२३ अंतर्गत कलम ७४, ७५ व ३५१ (२) अन्वये भानेश पोचू येगेवार याच्याविरुद्ध गुन्हा नोंदविण्यात आला आहे.

पीडित महिलेला स्थानिक मराठी भाषा अवगत नसल्याने तिला तक्रार दाखल करण्यास विलंब झाल्याची माहिती आहे. या घटनेमुळे गोंडपिपरी तालुक्यात मोठी खळबळ उडाली आहे.आरोपीचा शोध सुरु आहे.