रस्त्याचे खड्डे बुजविण्यासाठी वामनरावजी मिसार यांचे सार्वजनिक बांधकाम विभाग अभियंता यांना निवेदन.

रस्त्याचे खड्डे बुजविण्यासाठी वामनरावजी मिसार यांचे सार्वजनिक बांधकाम विभाग अभियंता यांना निवेदन.

सुकदर्शन वृतांत 

ब्रह्मपुरी- १०/०७/२६ (अमरदीप लोखंडे – सहसंपादक) अ-हेरनवरगाव ते ब्रह्मपुरी खड्डेमय रस्त्याची दुर्दशा पाहून अ-हेरनवरगांव येथील काँग्रेस पदाधिकारी तथा ब्रह्मपुरी तालुका शेतकरी सल्लागार समिती अध्यक्ष वामनरावजी मिसार यांनी सार्वजनिक बांधकाम विभाग मुख्य अभियंता, ब्रह्मपुरी यांना रस्त्यातील खड्डे बुजविण्याचे निवेदन दिले. 

वृत्तपत्रात प्रसिद्ध झालेल्या बातमीची , वामनरावजी मिसार यांनी दिलेल्या निवेदनाची तसेच अ-हेरनवरगांव येथील भारतीय जनता पार्टीचे पदाधिकारी यांनी चिमूर विधानसभा क्षेत्राचे आमदार बंटी भांगडिया यांच्याकडे रस्त्यावरील खड्डे बुजविण्याचा मुद्दा रेटून धरल्यामुळे तात्पुरते गड्डे बुजविण्यात आले.

सदर गड्डे बुजविल्यामुळे अ-हेरनवरगांव, भालेश्वर, पिंपळगाव भोसले, नांदगाव व परिसरातील जनतेने समाधान व्यक्त केलेआहे.परंतु पावसाळा संपताच लवकरात लवकर सदर रस्त्याचे बांधकाम करण्यास चिमूर क्षेत्राच्या लोकप्रतिनिधींनी तळमळीने लक्ष द्यावे अशी या परिसरातील जनतेची मागणी आहे.

आतापर्यंत हाल – अपेष्टा खूप भोगून झाल्या त्यामुळे सुखा – समाधानाने प्रवास करता यावा यासाठी आंदोलनासारखे शस्त्र हाती घ्यावा लागेल असेही जनतेने आपल्या भावना बोलून दाखविल्या.